Deskriwiki - Recently Updated Pages

Lehioa zabalik

Anonymous — Thu, 02 Oct 2008 06:49:29 CDT

1. Barakaldoko udal euskaltegiko leihoa (adibide gisa).

Bero egiten zuen irakasle gelan, bero gaur goizean. Leihoa ireki eta hara zer ikusi dudan:

Aurrez aurre, goiko aldean Barakaldo letra nabarmenez jartzen duen metroaren iragarpen taula. Bertan, lur azpikoaren gorabeherei buruzko informazio luze-zabala ematen duten lau argibide-taula: ibilbideak, ordutegiak eta abarrak kontsultatzeko aproposak. Beronen ostean metro-zulora abiarazten zaituen aluminio eta kristalezko maskor antzekoa, "fosterito" deitzen ei diote Norman Foster metroa diseinatu zuen arkitektoaren omenez. Metro-sarrera bitxia, hiriaren itxura eraldatze duten horietakoa. Geltokira doan jendea ere ikusi dut. Lanera sartzeko ordua da, arrapaladan baina erdi lo, egunean zehar izango dituzten zereginei erreparatu nahian sumatzen ditut.

Atzerago, kalea mugatuz, XX. mende hasierako ingeles estiloko eraikin gorrizta, Hizkuntza Eskola gaur egun baina lehenago hiltegia izandakoa. Beronen aurrean, tokiz kanpo balego bezala, palmondo luze, tente, lirain bat; zeinak arrastirian inguruko txori guztiak babesten dituela dirudien: arabazozoak, txolarreak eta nik dakit, bada, zer nolako txori klaseak!

Hizkuntza Eskola bilakatutako hiltegi zaharberritua, abanguardiako arkitektura, palmondoa... euskaltegiko leihotik begiratuta ondo uler liteke zein den Barakaldoren berezko izaera nahasi eta anitza.

2 ................................................... leihoa.

3 ................................................... leihoa.

4 ................................................... leihoa.

5 ................................................... leihoa.

Nola gehitu musika?

Anonymous — Tue, 11 Mar 2008 03:19:12 CDT

Irakurtzen ari garen bitartean, musika aditzea oso goxo egiten zaigu batzuei. Honelakoa bazara, musika apur bat jarri ahal diezu zuk aukeratutako testuei. Bide luze samarra da baina azkenean saria du... Animo!

1. Musika erantsi nahi diozun orrialdean kokatu eta "EasyEdit"i sakatu.

2. "Easy Toolbar" menua zabalduko zaizu. "Widget"en klikatu.

3. "Add Widget" zabalduko zaizu eta bertan audioak igoteko aukera, besteak beste. "Imeem"ek ematen digu zerbitzu hau. Sakatu "Select"i.

4. "Add Imeem Music" menua zabalduko zaizu. Lehenengo eta behin, zerbitzu honen webgunera joko dugu. Horretarak klikatu estekan.

"Imeem" erabili ahal izateko erregistratu beharra dago baina erraza da oso. Sartu bertan zure e-maila eta laster batean erregistratuko zaituzte.

5. Aukeratu gustuko duzun abestia eta klikatu birritan irudiaren gainean.

6. Agertuko zaizun pantailan bilatu "Embed" kodea. Kontuz, ikusten dena baino luzeagoa da eta. Kopiatu kode osoa.

7. Joan berriro ere "Add Imeem Music" menura eta kopiatu lauki zurian "Embed" kodea.

Ondoren, sakatu "Add Imeem Music"i.

8. "Edit Imeem Music" laukia agertuko zaizu. Bertan, musika-irakurgailuaren tamaina (+ / -) eta kokapena erabakitzeko bide emango dizute
Erabakitakoan, klikatu "Done".

9. Jo berriro goiko aldean duzun "EasyEdit Toolbar"era eta sakatu "Save"ri.

10. "Add An Edit Note" laukia agertuko zaizu. Bertan, nahi izanez gero (ez da beharrezkoa), zuk egindako ekarpenaren berri eman modu laburrean eta berriro ere "Save"n klikatu eta... Hortxe duzu zure/gure saria!

Nola gehitu esteka?

Anonymous — Tue, 11 Mar 2008 03:16:58 CDT

Sarritan sarean agertzen den zerbait edo norbait aipatzen dugu. Honelakoetan baliteke irakurleak informazio gehiago nahi izatea eta horretarako estekak baliagarriak dira oso. Sei urrats errazetan ikasiko dugu gure testuei esteka gehitzen.

1. Estekaren helmuga izango den web-orrialdearen helbidea kopiatu.

2. Esteka jarri nahi duzun orrialdearen goiko aldean ageri den "EasyEdit" klikatu.

3. Esteka ipini nahi duzun tokian kokatu eta zabaldu zaizun "EasyEdit Toolbar" menuan "Link"i sakatu.

4. "Add Link" menua zabalduko zaizu. Bertan "Enter the text" laukian irakurleak ikusiko duena idatzi. Adibidez: Wikipedia euskaraz.

Beheko laukian "Link to" jartzen duen horretan, lehenengo urratsean kopiatutako helbidea itsatsi. Adibidez: http://eu.wikipedia.org/wiki/Azala

"Add Link"en klikatu.

5. Esteka azpimarratuta eta letra urdinez ikusiko duzu. Goian duzun "EasyEdit Toolbar"en "Save"ri sakatu.

6. "Add An Edit Note" laukia agertuko zaizu. Bertan, nahi izanez gero (ez da beharrezkoa), zuk egindako ekarpenaren berri eman modu laburrean eta berriro ere "Save"n klikatu ondoren, beste orrialde baterako zubia egina izango duzu.

Nola gehitu orrialdea?

Anonymous — Tue, 11 Mar 2008 03:11:47 CDT

Oso erraza da orrialde bat gehitzea. Hara:

1. Gehitu nahi duzun orrialdea zein orrialderen azpian agertzea nahi duzun erabaki eta bertan kokatu. Irudian agertzen den lekuan kokatuz gero, lan proposamen berri bat egiteko orria sortuko dugu, Argazki albuma, Guztion artean...eta abarren maila berekoa.

2. Eskumatan duzun "Page Toolbox" zabaldu eta "Add a new page"n klikatuz orrialde berria sortuko duzu.

Nola itsatsi argazkiak?

Anonymous — Tue, 11 Mar 2008 03:11:01 CDT

Argazki albumean edo beste edonon argazkia itsatsi nahi baduzu...

1. Itsatsi nahi duzun argazkia aukeratu interneten edo zure ordenagailuan.

2. Erdiko eremu honetan orrialdearen gainean agertzen den "EasyEdit"en klikatu.

3. "EasyEdit Toolbar" menua zabalduko zaizu. Bertan "Image"ri sakatu.

4. Bi aukera dituzu:

a) Argazkia zure ordenagailuan badago, "Arakatu" klikatu, behar duzun argazkia bilatu eta birritan klikatu gainean. "Arakatu" ondoko laukitxoan agertuko da helbidea.

b) Internetetik igo nahi baduzu, aukeratu dagokion borobiltxoa eta web helbidea sartu.

Ondoren, "Add Image"ri sakatu.

5. "Edit Image" menua zabalduko zaizu, bertan irudiaren tamaina aldatu ahal izango duzu (+ / -), eta kokapena erabaki: testuaren gainean, ezkerretan ala eskumatan.

Ondoren, "Done" klikatu.

6. Goiko aldean izango duzun "EasyEdit Toolbar"en "Save"ri sakatu.

7. "Add An Edit Note" laukia agertuko zaizu. Bertan, nahi izanez gero (ez da beharrezkoa), zuk egindako ekarpenaren berri eman modu laburrean eta berriro ere "Save"n klikatu eta Ooooop! hortxe duzu irudia wiki-orrialdean.

Iritziak iritzi

Anonymous — Tue, 11 Mar 2008 02:58:36 CDT

Bi gai proposatzen dizkizuegu, pubizitatea eta trafikoa, deskripzioa ez ezik, iritzi argudiatua ere eman dezazuen. Besteen iritziekin bat etorriz gero, saiatu borobiltzen: argudioak osatzen, argudio gehiago ematen... Ados ez bazaudete, gehitu zuen iritzia (iritzia 1, iritzia 2...). Eztabaida gunea ere erabil dezakezue.

Gaia: Publizitatea

Deskripzioa, iritzia eta argudiaketa bideratzeko galderak:

Zer ikusten duzue argazkietan?
Zer etorri zaizue burura argazkiak ikustean?
Dena al da zilegi publizitatean?
Publizitateak, eraginkorra izango bada, deigarria izan behar al du?
Non daude mugak?

Argazkiotan...

Gaia: Trafikoa

Zer ikusten duzue argazkietan?
Zer etorri zaizue burura argazkiok ikustean?
Zigor gehiegi ala gutxiegi jartzen dira zuen ustez?
Puntukako gidabaimenak ezer konponduko al du?
Zein izan liteke irtenbidea?

Argazkiotan...

Nola erabili corpusak?

Anonymous — Mon, 25 Feb 2008 07:28:46 CST

Corpusak oso erabilgarriak dira. Bertan nahi duzun hitza aurki zenezake testuinguruan eta modu eredugarrian erabilia. Jar dezagun adibidea, "sudur" hitzaren bila joko dugu Euskaltzaindiaren EuskaraCorpusera. Horretarako:

1- Lehenengo eta behin bertara joan eta XX.mendeko euskararen corpus estatistikora joko dugu.

2. Kontsulta modua aukeratuko dugu.

3. Zabaltzen zaigun menuan aukerak egingo ditugu. Honako honetan, adibidez, 1991-1999 epea, euskara batua eta testu guztietan bilatzea aukeratuko dugu ezkerretako zutabean. Eskumatakoan, berriz, zein testu-hitz bilatu nahi dugun, "sudur" gure kasuan. Bukatzeko "bilatu"ri sakatuko diogu.

4. Hementxe dugu bilatzen genuen lexikoa: sudur zapal, handi eta gorria, txiki polit horietako bat, sudur motza ...

Ikusten duzun moduan erabilterrazak dira corpusak eta asko lagun diezagukete hiztegia zabaltzen eta zehazten.

Laguntza

Josemarilasa — Sun, 24 Feb 2008 06:31:57 CST

Galdera jakituriaren giltza ei da. Hemen dakarzkizugu bada, zenbait galdera eta zenbait erantzun. Egia esan, argibide apur batzuk besterik ez ditugu ekarri lanean hasteko nahikoa izango direlakoan. Gehiago behar izanez gero, bota galdera eta denon artean erantzuten saiatuko gara:

Nola gehitu orrialdea?
Nola itsatsi argazkiak?

Nola idatzi wikian?

Nola gehitu esteka?

Nola erabili corpusak?

4. Nor ote da?

Josemarilasa — Sun, 24 Feb 2008 05:48:22 CST

Guztiek ezagun dugun norbait (ikaskideren bat izan liteke) deskribatu, lekuren bat ere izan liteke. Oraingoan, nabarmenak ez diren ezaugarriak aintzat hartuz, besteek nortaz ari zaren asmatu beharko dute. Hasiko al gara?

1. Argazki-albuma

Josemarilasa — Sun, 24 Feb 2008 05:38:15 CST

Hiru argazki-album osatu behar ditugu. Batean pertsonak izango ditugu, bestean animaliak eta objektuak eta hirugarrenean lekuak. Albumak betetzen ditugunean, hiru argazki aukeratuko ditugu hurrengo jardueran guztion artean deskribatzeko.
Argazkiak bilatzeko gune asko daude, guk bi hauek proposatzen dizkizugu:FlickrCC eta Panimages. Albumera igotzeko argibideak laguntza atalean daude.

Nola izan aldaketen berri?

Josemarilasa — Thu, 21 Feb 2008 16:57:59 CST

Une oro izan dezakegu wikian izan diren aldaketen berri, aldatu aurretikoak berreskuratzeko modua ere izango dugu. Lasai ez da ezer galduko eta!. Bi modu daude aldaketen berri izateko.

1. modua

1.1 Jo hasierako orrialdera.

1.2 Eskumatako zutabean zabaldu "Recent Site Activity" gunea.

1.3 Bertan, batetik orrialdeetan izan diren aldaketen berri ematen zaigu: "Active Pages" horretan; eta bestetik; eztabaida guneko azken mezuak zeintzuk izan diren "Active Threads"en.

2. modua

2.1 Oraingoan ezkerraldeko zutabera joko dugu. Bertan, sakatu "To-Dos & Activity Reports" horretan.

2.2 Zabalduko zaigun menuan aldaketa ugariren berri izateko aukera izango dugu; besteak beste, orrialdeetan izandakoak (Pages), eztabaida gunekoak (Threads) eta wikira igotako artxiboei buruzko informazioa (Attachments).

2.3 Horietakoren bat aukeratutakoan, informazio zabala izango dugu: zein orrialdetan izan den aldaketa, noiz, nork egin duen...

Nola parte hartu eztabaida gunean?

Josemarilasa — Thu, 21 Feb 2008 16:37:35 CST

Eztabaida gunea oso gune garrantzitsua da. Bertan hartuko ditugu hainbat erabaki, luzatu makina bat galdera, elkarrekin eta elkarrengandik ikasi baina baita jolastu, adarra jo eta abar ere. Gainera, oso erraz erabiltzen da. Begira:

1. Jo ezkerretako zutabean duzun "Discussion Forum"era

2. Honelako menua agertuko zaizu eta zenbait informazio eskaini: nork zabaldu duen eztabaida haria, zeri buruzkoa den berau....
Zuk zeuk eztabaida hari berri bat zabaldu nahi izanez gero, eskumatan duzun "Start a new thread"i sakatu.

3. Zabalduta dagoen hariren batean parte hartu nahi baduzu, sakatu bertan.

4. Mezuak irakurtzeko aukera izango duzu, baita erantzuteko ere "Post a Reply" erabiliz. "Quote" aurreko mezuaren zati bat errepikatuz erantzun nahi denean erabiltzen da.

Nola idatzi wikian?

Josemarilasa — Thu, 21 Feb 2008 13:43:50 CST

Wikia, batez ere, elkarren artean eta elkarrekin idazteko gunea dugu. Ezinbestekoa duzu, bada, bertan idazten ikastea. Lasai baina, hemen aritzea wikierraza eta wikiazkarra baita.

1. Idatzi nahi duzun orrialdean eta lekuan kokatu.

2. Erdiko gunearen goiko aldean ageri zaizun "Easy Edit"i sakatu. "Easy Edit Toolbar" menua agertuko zaizu. Eta bertan, idazteko tresnak (letra-mota, tamaina..) eta idatzi ahal izateko gunea. Idatzi bertan lasai asko.

3. Idatzitakoa gordetzeko, goiko aldean duzun "EasyEdit Toolbar"en "Save"ri sakatu.

4. "Add An Edit Note" laukia agertuko zaizu. Bertan, nahi izanez gero (ez da beharrezkoa), zuk egindako ekarpenaren berri eman modu laburrean eta berriro ere "Save"n klikatu eta kitto! zuk idatzitakoa guztiok irakurri ahal izango dugu.

Estekak

Josemarilasa — Wed, 20 Feb 2008 01:47:28 CST

Literatura

Argazkiak
Marrazkiak

Corpusak
Hiztegiak

Helbide interesgarriak

Wikipedia euskaraz

Blog lagunak

Lan proposamenak

Josemarilasa — Tue, 19 Feb 2008 12:06:17 CST

Elkarrekin lan egiteko ordua heldu zaigu, batak bestearekin batera idaztekoa, elkarri zuzentzekoa, elkarrengandik ikastekoa. Horretarako zazpi lan proposamen ditugu oraingoz (zuk ere edozein unetan egin zenezake zeurea). Hona:

1. Argazki albuma.

2.Guztion artean.

3. Konparatzen.

4.Nor ote da?

5. Nire leihotik.

6. Deskripzioa txertatuz.

7. Saski-naski.

Eta hau guztia, zertarako? Bada, hauexek dituzu jarri ditugun helburuak:

Deskripzioaren funtzioei eta atalei antzematea.
Deskripzioak burutzea.
Idazketa kolaboratiboan trebatzea.
IKTak (teknologia berriak) ikasketa prozesuan integratzea.

Lortuko ahal ditugu helburuok!

2. Guztion artean

Josemarilasa — Tue, 19 Feb 2008 12:03:43 CST

Argazki-albumeko argazkien artean hiru aukeratu ostean, guztion artean berauek deskribatzeari ekingo diogu. Aldaketa guztiak gordeta geratzen direnez, ez izan beldurrik besteena aldatzeko, ezabatzeko, beste modu batean esateko... Are gehiago horixe da egin beharrekoa. Zalantzarik baduzu edo erabakiren bati guztion artean hartu beharrekoa dela irizten badiozu, erabili eztabaida gunea.

Hona deskribatu beharrekoak:

Zer daramazu poltsikoan?

Josemarilasa — Tue, 19 Feb 2008 10:20:10 CST

Denok gara kuxkuxero samarrak. Poltsikoan edo poltsan zer daramazun jakin nahi dugu. Horrez gain, soinean daramazun gauza kuttunen baten istoriotxoa ere jakin nahi izango genuke (eraztuna, tatuaia, erlojua...). Argazkia ere jar diezagukezu. Neu hasiko naiz...

................................................................................................................................................
Hara, mahai gainean hustu ditut poltsikoak zuei hau kontatzeko eta begira zer aurkitu dudan:

Mentolezko hiru goxoki, azken egunotan marrantatuta nabilen seinale, normalean ez baitut goxokirik ibiltzen poltsikoetan.
Bost euroko billete zahar samarra, hiru aldiz tolestuta, eta laurogei zentimo txanponetan. Pobrea naiz gero!
Sakelako telefonoa, Nokia marka ezagunekoa. Hamaika gauzatarako balio duen horietakoa: argazkiak ateratzeko, bideoak... Bertan argazki xelebre batzuk ere baditut, inauterietan lagun bati ateratakoak, mendikoak... Nire emazte eta semearenak ere badaude eta Joseba lankideak egin zidan karikatura (hain handiak ote ditut belarriak?).
Hiru papertxo horizta, post-itetarako erabiltzen diren horietakoak. Eta paper bakoitzean (hau da marka!) interneteko helbide bat: batean "webnode" jartzen du, bestean "darle a la lengua" eta hirugarrenean "screengrab". Ohartxo guztiok paper bakarrean idatzi behar ditudala esan diot neure buruari.
Azkenik pendrivea edo e-txiskeroa bi gigatakoa. Alde batera eta bestera eramaten dut, euskaltegitik etxera eta etxetik euskaltegira, birusen batek artxibo guztiak jango dizkidan beldur.
Hurrengo batean gauza gehiago kontatuko dizuet, gaur ez dut gogo handirik, apur bat nekatuta naukalako ditxosozko katarro honek.

Josemari

...............................................................................................................................................
Nire...

7. Saski-naski

Josemarilasa — Tue, 19 Feb 2008 10:15:12 CST

Aurreko jardueran ikus daitekeen moduan deskripzioa maiz beste testu-mota batzuen barnean txertatuta ageri zaigu eta berak ere beste testu-era batzuk har litzake. Honexeri egingo diogu bide jarduera honetan. Hara:

Deskripzioa eta kontaketa:Zer daramazu poltsikoan?
Deskripzioa eta azalpena edo instrukzioa:Txartel-makina.
Deskripzioa eta gonbaraketa: Lehen eta orain.
Deskripzioa eta iritzia / argudiaketa: Iritziak iritzi.

Txartel-makina

Josemarilasa — Tue, 19 Feb 2008 09:55:13 CST

Pentsa ezagun bat etorri zaigula Bilbo inguru honetara eta metroko txartelak nola ateratzen diren galdetu digula. Lagundu nahi badiogu azalpenak edota instrukzio zehatzak eman beharko dizkiogu baina horretarako deskripzioaz ere baliatu beharko dugu.

Metroko txartel-makina

Geltoki guztietan...

Lehen eta orain

Josemarilasa — Tue, 19 Feb 2008 06:26:13 CST

Argazki zaharrak eta berriak jarri ditugu, oraingoa eta lehengoa aldera ditzazuen. Ez ahaztu lan honetarako garrantzitsua dela erkaketa ondo egitea eta zenbaitetan aurkaritzako formak (ostera, aldiz, berriz, ordea...) egokiak izan litezkeela. Nahi izanez gero, aldaketoi buruzko iritzia ere eman dezakezu.

1. Barakaldo

Lehen...

2. Esther Cañadas

Esther Cañadas lehen...

3. Bulegoa

Bulego hau lehen...